سمعنا سمعنا شو سمعنا سمعنا حكي مافي إلو معنى
اسمعنا بإنو عهدِنا تغير ماعاد رح يحكي الحلو معنا
قصة زعل عم تنحكى وتنقال ويتغامزو عا حكيها العزّال
ماعاد بدو يزورنا وشـــــو قال قال الهوى ماعاد يجمعنا
شو يا حلو زعلان منّا كيف ومنعرفو قلبك وفي ونظيف
ومادام مافي بيننا تكليف عا القليلة مروق ودّعنا
صرنا غرب نحنا اللي كنّا قراب وأحباب مافي متلِنا أحباب
لعيونك قطفنــــا زهور الغاب وبوابنا للحب شـــــرّعنا
بكرا بترضى والهــــنا بيتم وبترجع تقطّفْ ورد وتشم
لولا زعلِتْ ورجعت شو بيهم نحنا زعلنا كتير ورجعنا