أضف كلمات أغنية
(1,502) مشاهدة


الكوكب

الكوكب اللي تقول الناس يا صغـره

من كثر ما هو بعيد وشوفهم قاصر

إذا طعنتوه خلو شبر في صـدره

يلقى به العشق وقت يقيم ويسافـر


لاتحسدونه خذا من خبزكم كسره

للجوع وأعطى شباب القلب والناظر

لا تذبحونه ألم وإن طال به عمـره

باقي بخياله جمال الماضي الحاضر


أصابعه وإن حسبتوا كلها عشرة

وأصابعه وإن حسبتوا مالها آخر

اللي قليله قليلٍ فاض من كثـره

واللي كثيره قليل الجوهر النـادر

 كلمات: بدر بن عبدالمحسن
 ألحان: جواد العلي
 تاريخ: 2009





التبليغ عن خطأ



share