ما يهمه

من يعلم قلبي اللي ما يبي غيره وجاله
‏من يقوله ما يحبك من تغلا في سؤاله
‏لاهي عنك بنفسه وانت لاهي فيه عني
‏من يواسيني ويسلي خافق حب بجهالة
‏ما يهمه ما يهمه ما يهمه
قلبي اللي ما يبي غيره وجاله

...

‏لو بيدي ما شغلني لو بيدي ما طرالي
‏البلا قلبي ظلمني فيه هو اللي عني سالي
قلت له من لك ومن لي لو تخلى عنك وعني
قال غالي ولو تخلى عنك وعني يبقى غالي
ما يهمه ما يهمه ما يهمه
قلبي اللي ما يبي غيره وجاله

...

‏ما هو ذنبي لا ولا لا ما هو ذنبه أنا عارف
المحبة هي من الله والقلوب اللي توالف
الهوى ماهو بيدينا والغلا ما هو بهوانا
وأنا قلبي قال احبه ‏وقبل الومه قال اسف
ما يهمه ما يهمه ما يهمه
قلبي اللي ما يبي غيره وجاله