أضف كلمات أغنية
(1,202) مشاهدة


بيحسبوني

بيحسبوني.. عشان خاصمتك..
إن جابوا سيرتك.. ح الوم عليك
لكن لقوني برُد غيبتك..
كأني بحيا ما بين إديك
بيحسبوني.. لكن لقوني..
بدوب محبة وحنين إليك
بيحسبوني لما اختلفنا..
ح يكون خلافنا.. أثَّر عليا
لكن لقوني بقول بقلبي
إنك يا حبي ما بين عنيا

غرامنا حاجة.. و خصامنا حاجة
إحنا اللي بينا ماهوش شوية
غرامنا حاجة.. وخصامنا حاجة
وأنا لما بنسى بنسى القسيّة
بيحسبوني.. لكن لقوني..
بدوب محبة وحنين إليك

بيحسبوني.. ح انكر هواه وأيام هناه ولو ثواني
لكن لقوني بقول كفاية ده في النهاية حبيب زماني
غرامنا حاجة.. وخصامنا حاجة
أحنا اللي بينا ماهوش شوية
غرامنا حاجة.. وخصامنا حاجة
واللي يلومني يكون مكاني
بيحسبوني.. لكن لقوني..
بدوب محبة وحنين إليك

 

 

 كلمات: عبدالوهاب محمد
 ألحان: زياد الطويل
 تاريخ: 1993





التبليغ عن خطأ



share