قال ايه نويت أعتب عليه..
وفضلت أنقى ح اقول له ايه.. وماقولش ايه
ماعرفش ليه
قدام عنيه
بصيت لاقيت ضاع الكلام
ماعرفش ليه
وأنا بين إيديه
ضاع الكلام ساعة السلام
وياريت ما رحت أعتب عليه
لأ.. قصدي أقول يا ريت ما جيت
من حبي فيه داب العتاب وسكوتي طال
مارضيتش ليه لحظة عتاب بسنين طوال
وفرحت بيه بعد الغياب
فرح اللي نال كل الآمال
فرحت لما من الفرح تهت وبكيت
آه ع الرضا بعد الخصام.. آه ع اللي كان
كان السكوت هو الكلام.. وأكتر كمان
ومع الحنان والابتسام
ضحك الزمان.. وسع المكان
ونسيت في قربه مين أنا أو فين بقيت