سألت جفني ليه يا جفن ما تنام
قال إسأل القلب الشقاوي لعلّه
يجاوبك لَنّه هالأيام منضام
سألت قلبي قال الإحساس خلّه
و إسأل زمانك لَنّه أسباب الآلام
رحت أسأله شفت الزمن فيه علّه
و الأسئله تشبه تفاسير الاحلام
و الحلم ما تقدر تفسره كلّه
و إن الليالي و الثقافه و الالمام
أقول لنجوم السما و الأهلّه
ما ترفع الشاعر محطات الإعلام
و لا الصور على غلاف المجله
ما يرفعه إلا مقامه ليا قام
في موقفٍ ما كل رجلٍ يحلّه
و الصحف لو جفّن ما جفّن الاقلام
سمّع قلوب الحاسدين المُغِلّه
و أنا قبل عامين و إلا قبل عام
و الشعر سيفٍ لى تضايقت أسلّه
أركّب الفكره على حسب الإلهام
و اخاف من بيتٍ يجي فيه زلّه
و الأرض ضاقت كره و العالم أقسام
و لكل قسمٍ بين الاقسام ملّه
و لى صار وضع الناس ما بين الايام
بين المجامل و الحياه المملّه
ودي أكوّن دولة دون حكام
الحب يحكمها و هي مستقله