صفحة الايام هاليله بدت
وابتديت احس بافراحي معاك
امطرت سحب المشاعر وخفقت
وارتوت ارض المحبة من سماك
وكل ورد الحب في قلبي نبت
وازهرت روح ٍ يعطرها شذاك
سامرتني نجمة الليل وسرت
واشرقت شمس الاماني في لقاك
وغردت لك نسمة الود وصفت
وكل شوق ٍ طار من غصنه وجاك
نور عيني لك مواعيدي وفت
ماتشوف العين فالدنيا سواك
بالوفا شمعة ليالينا ضوت
وكل ظلما تضوي بدنيا وفاك
والحياه اللي تنور بك بدت
وابتديت احس بايامي معاك