في سحابه على متن التمنِّـي
شفت عمري خيالٍ في سحابه
يا ذهابه تعدى مـا أرجهـنِّ
كنِّ عامـه نهـارٍ ياذهابـه
من غدا به ربيع العمر منِّـي
حسبي الله على وقت غدا به
إلتوى به رجا قلب يونِّ
ويل قلبٍ تعلَّق والتوى بـه
في شبابه حبس نشواه عنَّي
ما تهيَّـا لذيذة في شبابـه
ذا صوابه عقب ماهو طعنَّـي
لو نسيته يذكِّرني صوابـه
من هقابه يخيِّب كـلِّ ظنَّي
واعذاب الخفوق الَّلي هقابـه
ردِّ بابـه زماني وأمتحنَّي
يوم ثوَّر عجاجه ردِّ بابه
يا ربابه على المسحوب غنَّي
من قصيدي بكى قوس الرَّبابه