لاباسِ يالمحبوب روحي تِفـدَّاك
لاباس يامضنون عينـي حبيبـي
ياعلِّ ربَّي ياهوى البـال ياقـاك
مِن كلِّ شر وكلِّ جرحٍ عطيـبِ
ياليتني خذت المرض عنك ماجاك
وتصير من بدَّ الخلايـق طبيبـي
تـرى حياتـي ماتِهنَّـى بليـاك
ليتك دوامٍ عِندِ عينـي قريـبِ
ياليتني نِسمة صباحٍ بـدنيـاك
ألثم جبينك عقب طول المغيـبِ
أو ليتني طيفٍ يزورك بـممساك
وأشاهِدك وأقول يانفس طيبـي
بالحيل أحبَّك وأعشقك وأتمنَّاك
يشهد على ما أقول دمعٍ سكيبِ
أنا دخيلك لاتطـوَّل بفرقـاك
رد لعيوني نومها الَّلـي حريـبِ