لا تنتثر يا فرحتي دمعة العين
دنياك يا مضنون عيني عجيبه
حرام اشوف الدمع يشغلك يا زين
إنت هوى قلبي و غاية نصيبه
ما للزعل مجال بين المحبين
و العمر يقضي خلنّا نهتني به
أنا معك في ساعة العسر و اللين
أفرح بفرحتك و اشيل الصعيبه
أنا تخيّرتك على الربع الادنين
و اغفيت لك ما فيني شكٍ و ريبه
دام الأمل موجود في النفس حيّين
و ان مات باقي عمرنا وش نبي به
لا بد الأحبه لفراقٍ ملاقين
في ساعةٍ تجمع حبيب و حبيبه