يا صقر واهنيِّك لك جناحٍ تطير
لى طرى لك نزعت وطرت يم الهوى
بين قلبي وبينك فرق والله كبير
لى كفخت إنطلقت ولى كفخت التوى
أنت حايم وانا بالقاع دوبي أسير
في صحاري زماني ذيب ليلي عوى
فوق جوَّك سحاب وحدر جوَّي هجير
القدم فوق رمضا والخفوق التوى
الحذر يا صقر لا يشبكونك أسير
ويل صقرٍ يتلَّه مربطه لى نوى
برقعته اللّيالي فوق وكرٍ قصير
عقب صفقة جناحه بالهوا لى اهتوى
كل حرٍ إلى ضاق أنتهض للمطير
حومته بالسما ساعه لقلبه دوا
واعذاب الجناح الَّلي يجرَّه كسير
كلِّما فزَّ مكسور النواهض هوى