عشقت حرف العين من بد الحروف
كل ما نطقت الحرف اشرق في حلاه
حيث انه اسم الزين مملوح الوصوف
يبدأ بحرف العين في صمت الشفاه
بستانه قلبي والعيون حقه تروف
ماهمي إلا راحته وغاية رضاه
حبه سبى عقلي وانا عيني تشوف
اشحيلتي يا ناس شسوي معاه
اشباه ريمٍ ما عرف شمس الصيوف
رابي بروض العز لا روض الفلاه
احلى الطبايع فيه بس عيبه الكسوف
اذا ضحك يحمر خده من حياه
ان غاب وحشة غيبته تملاني خوف
وان عاد لي عادت الى روحي الحياه
عليه اسمي كل ما صوبي يطوف
وامسح جبينه براحتي من زود غلاه