يا صاح وين احبابك اللي يبونك
ليت الزمان اللي مضى فيك مافات
تجسد المأساة حالة سكونك
ويرحل في صمتك من الوجد حسرات
لا تحبس العبره وتكتم شجونك
خلها تسيل وعل صوت التنّهات
وحزنك اللي تكبته في عيونك
لا تجعله سيفٍ مسلط على الذات
من كان يصدق ان وقتك يخونك
وان القصيد يكون هو قبر الابيات
وان البخت يقصر على الحلم دونك
وانه على رجلك تطول المسافات
مدام عقلك يردعك عن جنونك
ويصادق احساسك بعد حي مامات
لا تلتفت للي حسد يعذلونك
سيور عوج ايامك تعود عدلات