مايخاف الله اللي هجرني وراح .. مايخاف الله
ياويله من الله قلبي ملاه جراح .. ياويله من الله
اقفى وخلاني .. عايش مع احزاني
والهم غطاني ولاني بعد مرتاح
ياويل انا حالي ياطول غربالي .. ياويل انا حالي
بعده شغل بالي دمع الهوى فضاح .. بعده شغل بالي
اثر الهوى بلوى .. مافيه ابد سلوى
اسأل بنات حوا عن من بيّديهم طاح
ودي انا بشوفه لو تسمح ظروفه .. ودي انا بشوفه
بس المس كفوفه همي انا ينزاح .. بس المس كفوفه
معقولة ناسيني .. ماحس ابد فيني
ومايخليني ادري بيجي لو راح