انا كنت فين لما شيبتى
انا هونت لما انتى هونتى
من تانى اديكى اتولدتى
اللى بناكى ما ماتشى
امشى يا ازميله امشى
وانقش جبين الاصيله
ايدين بتحضن ايدين
تحيى اللى مات من سنين
والصبر مش ابن ليلة
جوة ديوان المظالم
بيحكى محكوم لحاكم
عن الليالى الكحيلة
لنزل سلالمك برجلى
واطاطى لاجل اعلى
مش لاجل حيلتى القليلة
ولابد يا مصر تنزلى وتشربى من بير يوسف
نفسك و امسك وغدك ومدك ويدك
بيينا يا مصر نحيى الماضى بروح العصر
وبينا يا مصر نحيى الماضى بروح العصر