صارلي هوايه ما ضاحك من كل قلبي
أعرف الضحكه دربها غير دربي
دنيا ما حصلت منها غير تعبي .. اخ قلبي
ومالي خلق لأي إنسان ضايق وكلش تعبان
الناس صارت بس لسان ومحد يدوم
ومالي واهس اسمع شي اي حكي ما صدق بيه
إني بيه الهم يكفي وشابع هموم
...
ما وفى وياي بحياتي بس جروحي
حاير لغيري أضحي وناسي روحي
واضح وجتني المشاكل من وضوحي .. اخ قلبي
وليش أعيش بهذا المود دمعي ما خلالي خدود
لايردها ايام السود ياما عانيت
هوايا من أيامي راح عشت بس هم وجراح
اني هم اريد ارتاح والله مليت
...
صارلي هوايه ما سامع كلمه حلوه
تعب جايبها بتعب كل يوم بلوه
الدنيا من قد القهر صارت ما تسوى .. اخ قلبي
خلاص ما عندي نقاش لان قلبي بكذبه عاش
الحكي صار بلاش وياما يحكون
إسمع وما دير بال شفت من عدهم أشكال
هذا يحكي وذاك قال وما يرحمون