الفاتنه اللي على قلبي تمون
هي صباح الخير ولا الخير هي
ناظرتني وسلهمت بذيك العيون
الغزل والشوق واسرار الحكي
الفاتنه اللي على الدنيا مشت
كن ما به مثلها احدن مشى
الكلام العذب لا منها حكت
من حلاته فز قلبي وانتشى
من خلقها الله وهي كل الوجود
وهي ملامح فرحتي واغلا البشر
الخلايق في محبتها شهود
تسوى قلبي ودنيتي وكل النظر
يا مساء هالليل يا عطر ودخون
يا غرام الحب يا احلى العمر
يا عبير الورد يا غيم ومزون
يا اصدق ابيات القوافي والشعر
عشتك اجمل حب يا عمري انا
يا عساها ما تفرقنا السنين
نبقى طول العمر ويبقى حبنا
شوق واحساس المشاعر والحنين
من خلقها الله وهي كل الوجود
وهي ملامح فرحتي واغلا البشر
الخلايق في محبتها شهود
تسوى قلبي ودنيتي وكل النظر