شفتك واقول فخاطري كيف اخليك ؟
كيف اقدر اخليك! والقلب وياك
ازعل وارضى بس ما اترك ايديك
ولو صار مهما صار ابقى انا اهواك
ليس هناك من يحاول يجاريك
هل يا ترى في الكون فيه الي يسواك ؟
درب الهوى لو ضاع عني بلاقيك
مالحُب الا لك ولو دربك اشواك
ان كان في ايديني العمر كنت بهديك
عمري هو عمرك يابعد عمر مضناك
وان قالوا عمرك راح هو راح بس فيك
جعله يروح ولا يرد الا لرضاك
وان طار قلبي في سماك واراضيك
خل خافقي يبرى بشوفة محياك
في بوظبي ساسك وحظ لي حواليك
ياحظ دارك قبل حظي بلقياك
قولك فعل والقول فعل بمعانيك
الله عطاك من المعاني ما اعطاك
واسلوبك الساحر وعينك تحليك
كل عين شافت عينك تقول محلاك
مافي احد كثري في هالكون يغليك
قالوا تمنى؟ قلت .. كلي تمناك
كل شخص فيه عيوب واشياء تغريك
الا انت كامل .. كن عيوبك مزاياك