محلا اللقى وياك يا شوق محلاه
محلا نهاره ويا حلاها لياليه
ألقاك وكل الود في قربك ألقاه
وكل الهنا والحب عندك ألاقيه
حبك بقلبي لا ولا شي يسواه
عمري وروحي كلها ما تساويه
أغلى من الغالين يا زين والله
تأمر على قلبي وأنا أقول لبيه
محلا اللقى وياك يا شوق محلاه
ومحلا نهاره ويا حلاها لياليه
أجيك بإحساسٍ وصل قاصي أقصاه
وأزف لك شوقٍ عجز قلب يحويه
يا من جبينه نور الكون بضياه
والورد من خده خجل وانجبر فيه
كلن على جوه يغني بليلاه
وقلبي على دربك يعجّل خطاويه
ويوم ألتقي بك قلت ذا اليوم محلاه
محلا نهاره ويا حلاها لياليه
محلا اللقى وياك يا شوق محلاه
ومحلا نهاره ويا حلاها لياليه