أضف كلمات أغنية
(5) مشاهدة


وآهيامه

وآهيامه قلبي اللي من هـَوى

هام في حبّك وجاب المستحيل

عاقد النيـّه صدوق ٍ لك نِـوى

وإلهوى غيرك فلا عمره يميـل

يا فديت اللي البشر بعده سوى

وْكنِّ عيني ما ترى غيره خليل

وْلَنَّ ذوقي غير وْفوق المستوى

يوم احب آحب شي ما له مثيل

إنتَ وَجهك عافية وْصوتك دوا

وقلبي رحّالة وعيـناك الدليل

قلب ٍمْن الشوق ومن بعْد النوى

شافِك أوطانه ولك شَـدِّ الرحيل


ياجميل الرّوح وَصـْف ومحتوى

بالشكل والإسْم والمعنى جميل

عين وْخـدّ وقَـدّ بالزين إرتوى

وْروح وْطلّة وْضحكة ٍتبري العليل

مو حبيبي إنتَ زادي والهوى

وما أقول النادر إنتـه والقليل

إنتَ شي ما صار أصلاً وإستوى

في غلاه وْفي جماله المستحيل

إنتَ وَجهك عافية وْصوتك دوا

وقلبي رحّالة وعيـناك الدليل

قلب ٍمْن الشوق ومن بعْد النوى

شافِك أوطانه ولك شَـدِّ الرحيل

 كلمات: الجميله
 ألحان: احمد الهرمي
 تاريخ: 2021

التبليغ عن خطأ