سامحت جرحك وغيباتك وتقصيرك
تعال يكفي وانا إللي شفته يكفيني
وشلون ما اسامحك وأقبل معاذيرك
وإنت اللي عن كل باقي الناس مغنيني
أشوف غيرك ولا فكرت في غيرك
من بدهم كلهم ترتاح لك عيني
إتركني أحلم وانا راضي بتفسيرك
مابيك من غفوة أحلامي تصحيني
والصوره إللي من إبداعك وتصويرك
الباقي إللي بقالي من عناويني
ملامح حروفها من بعض تعبيرك
كتبتها لك بدمٍ من شراييني
لولاي واثق من احساسك وتفكيرك
ما حن قلبك من الذكرى يناديني
لبيك من زود حبي لك وتقديرك
يا مرحبا وين ما ودك توديني
لولاك لولا الرجا في حسن تدبيرك
ما طال حبل الأمل حتى تراعيني
بعدك شقاي وعناي وهم تأخيرك
وقربك مناي وهناي وفرحة سنيني