سجيت مع نفسي وقبل اتنبه
قدام عيني مرت ايام عمري
حزني وفرحي والعدى والأحبة
وما فقت إلا وإبتسامة في ثغري
رغم اللي شفته من ألم من محبة
والين هذا اليوم من يوم صغري
تدري وش اكثر شي حصلي واحبه
شوف إنعكاس مرايتك وإنت تدري
شخصك ونورك هاللي سبحان ربه
في وصفهم يعجز ويحتار فكري
ما لك شبيه أصلا على شان اشبه
أبدا ولا به حد يهواك كثري
لو ينعصر عمري في كاسك واصبه
لا ما وفيتك يا حبيبي وعذري
وفاك وحبك يا دوى الهم وطبه
أكبر من ضـلوع الحنايا في صدري
حبك عظيم خذ من القلب لبه
وحظي كبير فيك لله شكري
ولانك سعادة دائمة ومستتبة
لو قالوا كم عمري بقول انت عمري
حبك في جوفي شي صعب يتشبه
زايد وبه يـزداد قدرك وقدري
قلبك وطن وإحساسي شعب يحبه
وقلبي ملك ورضاك تاجي وقصري