حبك سباني يا اسمر اللون بسكات
امشي سليم وعلتي داخليّه
عندي على حبك براهين واثبات
وش غيّرك يا نور عيني عليّه
اذكر زمان ٍ يا اسمر اللون قد فات
يوم المحبه بيننا بالسويّه
وقت ٍ قضينا فيه روحات وسجات
لا من طرى لي زاد همي عليّه
الفايدة من كامل الزين حسرات
خيره لغيري والغرابيل ليّه
خطاي مرة والخطأ منه مرات
خطيته يا كبرها من خطيه
قال المثل يا زين مافات قد مات
منك الخطأ مسموح واصفح عليّه