أيام ألمدافع مش كلها حزينة
حتى بالعذاب في مطرح للزينة
مرات المدافع بتفرق ناس
مرات المدافع بتجمع ناس
وبتكتب قصص وحب الناس
رونزا
بتذكر بالملجأ ليلة من تشرين
شي مية انسان برطوبة الملجأ
وقعد حدي شاب ومن كلمة لكلمة
نسينا شو في برة وسافرنا بهالعتمة
حاكاني وخبرني قال لي عنده فلوس
طلب يتجوزني وياخدني عروس
عتمة وما في كهربا ما فدرت اتأملته
ما حبيت اتسرع وعدته وأجلته
بعرف اتنين تعرفوا بالملجأ وخطبوا بالملجأ
بس أجت الكهربا شافوا بعضهن غيروا فكرهن
فسخوا الخطبة وخلصت اللعبة
ميريام
بعرف اتنين ما بيعرفوا بعضن
كانوا ع طريق كانوا وحدهن
بديت المعارك وين بدهن يتخبوا اتخبوا ببعضهن
وخلصت المعارك وبعدهن لهلق مخبايين ببعضهن
رونزا وميريام
ما أله زمان.... ما أله مكان
الحب بيطلع وين ماكان
الحب بيطلع وين ماكان
لا بده شمس تيفتح
لابده ليل تيزهر
لا شتي ولا صيف
لا حرب ولا بستان
الحب بيطلع وين ماكان....وين ماكان....وين ماكان