تعبان قلبي وغارق بأحزانه
ما عندي الا ضيقتي وجدراني
ساعات اهدي روحي الولهانه
وساعات ابكي بالغنا جيراني
مليت اداعب عيني السهرانه
وتعبت اهدي بالفرح احزاني
يارب يرجع اللي خالي مكانه
اللي تركني بغيبته وحداني
مازلت اراعي صورته وبستانه
واضم طيفه واحضنه لا جاني
وافي ولكن السنين خوانه
لا ماهو اللي ضرني وبكاني
انا عذابي شفت كل الوانه
وسبت عذابي طيبتي بزماني
راحت حياتي ومراكبي غرقانه
حسبي على اللي للشقا وداني