بالهون بالله ياسمر اللون بالهون
ارحم عليل ٍ قد وقع في هواكم
قلبي بحبك يا اسمر اللون مرهون
ومنين مارحتوا توجه معاكم
لايسمع العاذل ولا اللي يقولون
مهما حكوا مايمكن انسى هواكم
أسهر طوال الليل ربعي ينامون
كله سبايبكم وأدور رضاكم
لو تطلب الغالين عندي يهونون
مهما فعلنا ما نبي نلحق جـزاكم
حبك ملكني وصرت به شبه مجنون
عزي لمن هو قد وقع في هواكم
حبك ملكني وصرت به شبه مجنون
عزي لمن هو قد وقع في هواكم
ياعود ريحان ٍ وياورد مكنون
ياسعد منهو ساكن ٍ في حماكم