تصدق ما هقيت انك .. مثل بعض البشر غدار
ولا فكرت يوم اتخون .. ولو كل العرب خانت
عطيتك بالوفا عمري .. عطيتك خافقي باسرار
عطيتك والعطا روح ٍ .. سنين من الالم عانت
من اجلك دست انا الرمضاء.. من اجلك كم وطيت النار
من اجلك احترق حتى .. حنايا خافقي لانت
احسبك وافي ابعهدك .. احسبك تحفظ الاسرار
احسبك صادق بحبك .. ولكن خدعتك بانت
خساره تضحيتي لك .. خساره كل شي صار
خساره فيك تفكيري .. خساره عشرة هانت
حرام ادفن فيك حروفي .. حرام اكتب بك الاشعار
حرام احساسي يترجم .. معاني خدعة كانت
ابرحل عن سما حبك .. ابرحل عن غثا التذكار
ابرحل عن حياة الذل .. لو كل الخطا شانت
موادع سكة المقفي .. موادع سكة الاخطار
موادع موطن احزاني .. موادع رحلتي حانت