لاتقول مو فارق معاك البعد وفراقي
البعد ادري اعرفه يحرق لك اعصابك
بكره تندم علي وتشتاق لاشواقي
وتقول احبك ياحبيبي واكره غيابك
الورد يذبل ترى لو يتركه الساقي
تعال وماراح اسالك هالحين وش جابك
ارجع قبل ماياخذوني منك عشاقي
واجع مدام اني احبك واعشق ترابك
اذا تدور بالبشر مثلي ماتلاقي
انا الوحيد اللي ترى اقرب من احبابك
وانا على عهد الوفا والغلا باقي
للحين كلي ابيك واكره غيابك