البارحه بين واعي و غافي
طار الكرى عن عيوني الشقيّه
شوق الهوى شب ماكان طافي
و نار الهوى الله ياهي قويّه
خلي هجر و صادف الحظ جافي
و إيدي ترى ما تطول الثريّا
أنا اعترف قلبي ولهان و شافي
صبري قضى بين روحه و جيّه ..
بعد الصبر بعد ماكان خافي
خلي يغيب وانا كله اتريّى~ ..
قلبي اشتقى و ما لقى له انصافي
و اللي جرى فيني ماهو شويّه
اللي جرى يا هوى فيني كافي
عمري قضى بين شمسه و فيّه ..
حتى السما بعد ماكان صافي
غيم الشقى فجأه خيم عليّه ..