أرسبه بالحب مهما يختبر
ان شفانا الله من عشقه وشوقه
أرسبه بالحب مهما يختبر
وأنزع الحب اللي فيني من عروقه
واجعله عبره لمن لا يعتبر
جا يخوفني برعده في بروقه
ومن غروره جا يبيني اعتذر
يا حليله ما تبين لي بروقه
لو جروحي في فؤادي تشتعل
يفتخر بالصد يا روحي الشفوقه
يا حسافه كيف يقدر يفتخر
والله اني حابسٍ عندي خفوقه
وان نسى في يوم لازم يفتكر
الدموع اللي معاه لا هي صدوقه
كان من صدقي أصونه وافتخر
لو معاه الحق يجي ياخذ حقوقه
بس فات الوقت عشقي يحتضر