مثل النسيم الساكن اللي مر له غصن وتحرك
ذكراك مرتني بصمت وجا على بالي كلام
مشتاق لك ولا هدا بالي ولا حالي يسرك
طمني إنت اشتقت لي نسيتني تسهر تنام
يمر لي طاري وإذا في البال لي طاري يمرك
تبكي علي أو تبتسم أو مر طاري والسلام
أفا عليك إن ما ابتسمت وراحت الذكرى تجرك
لأيامنا وأسرارنا وأول لقا وأعذب غرام
يا كنت أحبك حب لا والله إذا كانه يسرك
أشعر بنفس الحب الين اليوم ونفس الإهتمام
هذي هي أحوالي وإذا بتكدرك ولا تضرك
أنا بخير وطيب وحالي على أحسن ما يرام