أضف كلمات أغنية
(3,216) مشاهدة


يا بيتنا ال خلف الضباب

يا بيتنا ال خلف الضباب
هونيك ع حدود القمر  بالعطر بالنســـمة انغمر
بالشـمس من قبل الغياب
يا بيتنا ال خلف الضباب
***
مهجور ماعندك حدا
وعتقت بوابك عالشتي وعصف الهوا
والعاصفة الها صدى
تهجم عليك تمرجحك  كلك ســـــــوا
و عم بياكل الغال الصدي  والعنكبوب استأجرك داير مادار
غرقوا حجار الموقدة    بالارض  والعلـّيق عربش عالحجار
يا بيتنا ال خلف الضباب
***
ماعاد  بو زهرة مرق  حد القبو ماعاد يسرق سرقته
قـــــديش ما قلبه احترق  يا بـــيتنا انت ال قطعت برزقته
ودرفة الشباك مشــــلوحة
وين تحت الدرب شـــلحتها الرياح
ومعلّـق المزراب مرجوحة
راحو الاهل والعز بعد الاهل راح
يا بيتنا ال خلف الضباب
***
يـــــــا بيتنا البيت الفقير   مين بيقول الحجر
رح ينتهي متل البشر وبهالدني عمره قصير
يا بيتنا البيت الفقير ..يا بيتنا ال خلف الضباب

 كلمات: اسعد السبعلي
 ألحان: وديع الصافي




التبليغ عن خطأ



share