عند اللزوم

ليه .. ما لي فيك فقده

ليه .. بس في وقت شدّه

وكل ما جارت هموم .. ليه وقتك للعموم

الا انا كنّي مُسكّن .. وقتي بس عند اللزوم

ليه .. انا طيب معك

لا جيت تشكي اسمعك

واشيل عنك كل ثقل .. ازيد من حملي حمل

ولا تلاشى الهم منك .. رحت عني مسفهل

كنّي مُسكّن .. وقتي بس عند اللزوم

ليه .. انا مَ اقدر عليك

ان .. اشوف الحزن فيك

اضعف وضعفي بلاي .. انسى تقصيرك معاي

وآخذ بخاطر جروحك .. واشفي غلّك يا غلاي

ليه .. انت آخر من يهمّه

قلبي الطيّب وهمّه

ما لي في ودّك نصيب .. حالي من حال الغريب

مو مهم وما لي حاجه .. دوني لك ميّة حبيب

كنّي مُسكّن .. وقتي بس عند اللزوم