فاقد شعور

أنا فاقد شعور أحيان أنا للحب ما أصلح

أنا الراحل وأنا الولهان أنا الكذاب والأصرح

أنا الواقف على البيبان وأبي البيبان ما تفتح

أنا المجهول والخسران أنا الفايز وأنا الأنجح

أنا القاسي وأنا الوجدان بها الأسرار ما تُفصح

أنا فاقد شعور أحيان أنا للحب ما أصلح

شعوري فيه كم إنسان حزين وكان بك يفرح

أبي بكرة وأبي اللي كان أبي أمسي وأبي أصبح

أبي أسف وأبي ندمان أبي ما أبيك لا تشرح

أبي في نظرتك طغيان وجرح رقته تجرح

...

نغيب ونلتقي خلان عشان الحُب بي يجمح

نعيش بلذة الحرمان نجرب شوقنا المبرح

أبيك تكون لي أوطان بها الثورات ما تربح

نقرب نبتعد أزمان أحبك وقت ما تسمح

تعال نضيع بالعنوان عناوين الهوى تفضح

نغيب ونلتقي خلان عشان الحُب بي يجمح

تبدل دورك الهيمان تبدل كل هالمسرح

تكون الشر والشيطان تصير الطب لو تجرح

تناقض غير الألوان غوامق خلها أفتح

تبسم وأحتضن خذلان وأبكي وقت ما تفرح