يا أهل الهوى يا شين يوم الوداعي
يوم ٍ على العاشق كثار ٍ همومه
لا صار منت لخطت الحب واعي
تضيع في ليل ٍ تخفت نجومه
الحب ما هو بالمتاجر يباعي
مشاعر ٍ بين النفوس امحكومه
ما للزعل ومعاند النفس داعي
محد ٍ على كيفه يحقق حلومه
بالهون يا راعي العيون الوساعي
لا تجرح العاشق وعقب ٍ تلومه
خذ القمر من نور خدك شعاعي
يا وردة ٍ فيها طراوه ونعومه
ان غبت عن عيني عشقت استماعي
احرك الهاتف ودور علومه
الحب يلدغ مثل لدغ الأفاعي
لا من هجم محد ٍ يقاوم هجومه
الحب يلدغ مثل لدغ الأفاعي
لا من هجم محد ٍ يقاوم هجومه
راعي الهوى لو راح عمره ضياعي
قيس الملوح جاه في الحب يومه