تسمع عن واحده بتعشق واحد بيعذبها
بيقرب منها يومين ويومين يبعد ويسيبها
تاخد م الجرح نصيبها بعدين يرجع يحاسبها
ع اللي بتعمله في غيابه
وفي اول كلمه حنينه منه بيقولهالها
بتسامحه على الحاله اللي البعد مسببهالها
وتشوف الدنيا بحالها وكانها راضيه بحالها وبقت تستحلي عذابه
تسمع عن واحده بقت بتعيش يوم اه ويوم لا
والناس كلها شايفاها مظلومه وصاحبة حق
الناس كلها الا انتى نفسي افهم بس لامتى
انا خايفه في غيبه من دول القلب يبطل دق
حتى اما بتمشي في عز ما محتاجه تكون جنبي
ما بيشغلنيش وقتها غير خوفي انه تشيل ذنبي
بستحمل تعبي واخبي يالا اعمل ايه بقى في قلبي بيحبك اكتر مني
التضحيات اللي بضحيها ياريتك بتقدرها
وياريتك تعرف قيمتي اللي باسلوبك ده مصغرها
بينا حاجات بستخسرها وحاجات نفسي تغيرها اولها غيابك عني