مـدري هـي الأيـام تلعب معايه
ولا الوفي صدق بزمنا مغفل
ما ترتفع للحب وياك رايه
وانته من الإحساس والـشوق أعزل
إلى هنا تقدر تقول النهايه
المسأله ما أضن نلقى لها حل
خلينا بالمعروف مثل البدايه
نطـلع وانا مشكور وإنته مجمل
حفرت جرح وقمت أدفن حكايه
واحلامنا تصحى الحقيقه وترحل
ولا أبي فرصه مع الناس جايه
مهما الورود تعيش في يوم تذبل
وسيلتي ضاعت ولا فيه غايه
مكتوب للفرحه تغيب وتؤجل
اللي مضى راح وتركته ورايه
أثر الشقا تلقاه لو خير تعمل