عظيم إحساسي ومْن الشوق فيني شي ما ينقال
وْفقير الحب قدّام اللي بين ضْلوعي لك شِلته
أحبك كثْر ما تسرى بْشراييني وْتجي ع البال
وْكِثِر ما في خفوقي لك كلام ٍما بَعَد قِلته
سألتك بالّذي جابك بَعَد حزني وضيق الحال
في قلب ٍ من شقى الأرض السما الإحساس وصّلته
وميّزك بجمال ٍطاغي وْضحكة تجيب الفال
من أجمل منْك وإنت اللي خِتَمت الزين وكَمّلته
يا ثِقل الوقت من دونك وانا ايامي بلاك طوال
والأطوَل منـّها شوق ٍ ٍ.. غريب إني تِحَمّلته
تغلّا يا بعدي كلـّي مسير الوقت مهما طال
يبل ريق المواصل من لـِقانا اللي تأمـّلته
شعوري لك مِتِل نَقش ٍ يُخَلّد في مدى الأجيال
واحبك حب تاريخي ويذهِلـْك إن تِخَـيّـلتـه
تشوف إحساسي ذاكِلّه وكل ما في القصيد إنقال
في صدري عشرة أضعافه كلام ٍما بعَد قلته