الا ياقمري ياغدار .. علامك تنوح جهار
دخيل ربك وش الاخبار .. تري المحبوب جافيني
عليل الحب وش طبه .. سهرت الليل في غربه
وغير الله ما يعلم به .. عسي ربي يشافيني
وقلبي ويش اسوي به .. مااريد الحب وما لي به
نحل جسمي بتعذيبه .. وهل الدمع ياعيني
زعجت الصوت ياقمري .. وانا محتار في امري
بسجن الحب قضاء عمري .. جحيم الشوق كاويني
نسيت اللي يحبونك .. وانا ما اجوز من دونك
جميع البيض يفدونك .. عدد كل الملاييني
طلبتك يانظر عيني .. تكرم يوم وتجيني
تري جرح الهوي شيني .. انا المظلوم داويني
عديم الوصف وافاني .. نظرته والله احياني
يغض الطرف نعساني .. غرام الزين طاويني
ومبدا الحب ذا جنه .. درسته وشفت انا فنه
حشا لله ما اظنه .. اخيره صار صافيني
اسير بالهوي قلبي .. عليك مشكاي ياربي
يحسربي ويلعبي .. ومر الكاس ساقيني
الا ياعزوتي بهواك .. دليلك بالذي نساك
قضا صبري علي رجواك .. وبالخصام حاديني
يعذبني وهو سالي.. وقلبه بالهوي خالي
متي الايام تصفي لي .. ودايم دوم قاسيني
ذبحني يالله الخيره .. ولا زانت لي السيره
ولا بقبل هوي غيره .. سموم الحب صاليني