رماني رميه الغدر وكسرني = ومن يصبر على كسر العظامي
نفض سيفه وانا طحت وعثرني = ومأسور المحبه ما يلامي
على حبه جبرته ماجبرني = وحجينا وحلينا الاحرامي
بعد هذا نظر عيني هجرني = ومن عقبه وانا جيعان ظامي
انا صابر على الفرقا وذنبي = ضحيه للمحبه والغرامي
ورا محبوب قلبي ماعذرني = وعذري ماتغير عن كلامي
إلا يا قرة الاعيان زرني = ولاابغي منك ياكود السلامي
غرامك يابعد روحي غمرني = ضيعت النهار من الضلامي
سبب زولك إلا شفته سحرني = تدارك يا بو عربان سامي
لك اسمين والثالث جزرني = بسيف ٍ يودع الهامه عدامي
انا مدري لو ان الله نصرني = على حبك وبنّيت الخيامي