يقول ماجد وماجد باحت اسراره
اسباب خل جفا من غير ماجوبي
اشوف موجة غرامه تقل من زاره
وانا احسب انه على مافات من صوبي
ياما تعنيت من حاره لحاره
اقابله لاشك بان الطيب مطلوبي
خلاني ادور عليه بدون سياره
امشي على الرجل لين احفيت عرقوبي
ياليت حبيب الروح يسمح لي بزياره
وان تاب فانا بعده والله لاتوبي
اعطيه ختم الحب والله وتذكاره
ويشيل ذنوبه وانا اشيل .. ذنوبي
اخاف من ليله يفكر بنا جاره
وافشل من الناس له بالسوق سكروبي
واليوم نفسي تعذر ماتبي داره
لابغيت اجيه كن بالرجل مقضوبي