يا علي صحت بالصوت الرفيع = يا مرة لا تذبين القناع
يا هلا بمهرة الصبر الصنيع = كنها يا علي وقم الرباع
نشتري منك كان انك تبيع = بالعمر مير ما ظني تباع
شاقني يا علي قمرا تليع = يوم انا آمّر وكل امري مطاع
يوم اهلنا و اهل مي ٍ جميع = نازلين ٍ على جال الرفاع
ضحكتي بينهم وانا رضيع = ما سوت بكوتي يوم الوداع
هم بروّني و انا عودي رفيع = يا علي مثل ما تبرى اليراع
طوعوني و انا ما كنت اطيع = و غلبوني و انا قرم ٍ شجاع
وجد عيني على ظبي ٍ تليع = عندكم كن في خده شعاع
و انت يا لايمن جعلك تضيع = ما تماري بها مثل الشعاع