ياحبيبي تراك أحرقتني بالمودة
خف من الله تراك اشغلتني في حياتي
ارحم اللي عليل ٍ دمعته فوق خدّه
من سبايبك دمعي مثل شط ّالفراتي
رآح قلبي معك ليتك تكرّم تردّه
ماقدر ارسل سلام ولا اقدر ارسل وصاتي
من عرفتك همومي كلها مستعدّه
ساعة ٍ مقبلات وساعة ٍ مقفياتي
ليه قلبي على درب المضرّة تحده
ودي أسكت ولكن مايفيد السكاتي
اشهد إن الهوا راعيه ينباح سده
لو تصبـّر تبين جروحه الخافياتي
ياهوى البال صبري هالسنه وصل حده
جعل من لامني جعله يسوّي سواتي
كل قلب ٍ يشيل من الغرابيل قده
وأنت شوفك حياة وهرجتك لي غناتي