يلي على البال تطري وانته ما تدري
وش ذنبه اللي يحبك وانته خليته
وش ذنب قلب رسم لك حبه العذري
وش ذنب دمع على طاريك هليته
لو كان عمري بديني فدوتك عمري
لكن عمري بدين اللي ترجيته
انه يرد الزمان اللي على خبري
واعيش ليلك وحلم كم تمنيته
يوم ان قلبك بصدري وانته في صدري
طيف سكن بالحشا واثر الحشا بيته
الايام تجري وعمري بالشقا يجري
حتى الشقا من ترافقته وحبيته
أصبر على حالتي ويملني صبري
وأعيش في لوعتي وأقول يا ليته
والليل في ناظري يا صاحبي يسري
والشعر لأجل الهوى جبته وغنيته
واذا تكلم عذولي قلت له عذري
ان الهوى يذبح العاشق وانا جيته
واللي ما تدري إنك كل ما تطري
يصيح بين الحنايا شي خليته