الشمس طالعه فوق .. والليل عالأرض ليه
أسوار مالهاش بيبان .. والبحر فاضي ليه
طلع المطر لفوق .. وخلاص ما نزلش تاني
الخوف في كل عين .. اللي بيحصل ده إيه
هو المكان ده فين .. ولا اسمه إيه
إسمه الحياه إزاي .. أنا أشك فيه
هي الحياه أمال .. مش عايشه ليه
مش حلم ده واقع مجنون
مجنون .. مجنون
...
جوايا البرد ليه .. ده الجو حر موت
رغم الزحام ده ليه .. مش بسمع أي صوت
بيقولوا الوقت فات .. إزاي ده ما حدش حس
بيقولوا خلاص أهو فات .. والساعه بتمشي العكس
هو المكان ده فين .. ولا اسمه إيه
إسمه الحياه إزاي .. أنا أشك فيه
هي الحياه أمال .. مش عايشه ليه
مش حلم ده واقع مجنون
مجنون .. مجنون
الكل خايف ولا حد عارف
ولا حد شايف الجاي ده إيه
وانا مهما كان اللي جاي أصعب
حاعيش وحأقدر عليه