أضف كلمات أغنية
(1,636) مشاهدة


اوباما

أنا شايف الإبتسامة والفرحة ع الوشوش
اياك بارك اوباما ما يكونش زي بوش

بوش يخرب بيت سنينة باعنا وضيعنا سنين
وأوباما الناس فاكرينه هيكون صلاح الدين

هيعمل ايه اوباما في مصايب بوش وابوه
ما سابوش مكان في العالم الا ما خربوه

مجاعات وأزمة ماليه وخراب ودمار وحروب
اهو غار ابن المؤزية وسايبهالنا ع الطوب

مين يعرف ولا يعلم في ايه جوه النفوس
بلاش من بدري نحلم لا يكون الحلم كابوس

خلينا زي ما احنا ما الهم خدنا عليه راح بوش
وجه اوباما ايه يعني هيحصل ايه

لسه فلسطين محتله والحرب في العراق
والناس عايشه في مذله وعداء بيجيب عداء

مهما هيعمل اوباما ويلف شمال ويمين
لا يرجع الحريري ولا حتي الشيخ ياسين

عرفات موش جاي تاني اللي عاش ايام سواد
ومات وكلو عارف دي حركة من المساد

يا عربى الف سلامة يا عربى يا عينى عليك
قاعد مستنى اوباما علشان ياخد بأيديك

ولا بوش ولا اوباما هيفكروا ابدا فيك
يا عربى مفيش غير ايدك هى اللى راح تحميك

ما هو بوش ابن المجنونة شعللها في كل مكان
افغان وعراق وغزة واخرها سوريا كمان

مجاعات وأزمة ماليه وخراب ودمار وحروب
اهو غار ابن المؤزية وسايبهالنا ع الطوب

 كلمات: اسلام خليل




التبليغ عن خطأ



share