(موال) ..
يا قلبي ابكي اوي .. هي الدموع وعذاب
جرحك زمانك اوي .. وكمان جرحني معاك
ابن الأصول يا زمن .. غير الزمان قالو
الفكر زاد حيرو .. والغدارين خانو
من بعد اغلى الناس .. ملقيتش ناس تاني
من بعد امك وابوك .. المخلصين كانو
انا اللي كان ليا اصحاب .. وكان ليا عزوه وناس
وانا اللي كنت دايب .. زي الحليب في الكاس
صبح الصباح عليا .. ملقيتش ناس ولا بيه
حكم عليا القدر .. ابكي واديني بكيت
وانا اللي كنت فرحان .. والفرح كان داري
والحب كان دنيتي .. والكل كان جاري
يا قلبي صبرك يا قلبي .. انا باللي فيك عالم
مهما القلوب جرحتك .. في رب بيك عالم
وياما ناس في العز .. مبقوش في يوم حاجه
وياما ناس مساكين .. منهم خرج عالم
ياليل ..
---
وهات كمان يا زماني .. هات .. هات كمان دمع وآهات
اللي جاي يا زماني عمره .. عمره ما ينسي اللي فات
وراحو فين ايام زمان .. الحبايب والصحاب
هو دا نفس المكان .. ولا كان وهم وسراب
فين حاجاتي وفين مكاني .. فين حبايبي يا زماني
حضن امي وصوت ابويا .. باقي مين يزعل عشاني
هات اسيه وهات عذاب .. هات جراح من غير حساب
اوعى تعمل ليا خاطر .. او تقول الشعر شاب
راح شبابي وعمري راح .. قلبي جوه ضلوعي ناح
مش هـ تفرق يوم معايا .. الدموع والا الجراح
بعد اغلى الناس مفيش .. بعدهم احباب مليش
مش مهم خلاص يا دنيا .. ان اموت او ان اعيش
هات كمان يا زماني هات .. هات كمان
اللي جاي يا زمان عمره .. عمره ما ينسي اللي فات
راح شبابي وعمري راح .. قلبي جوه ضلوعي ناح
مش هـ تفرق يوم معايا .. الدموع والا الجراح
هات اسيه وهات عذاب .. وهات جراح من غير حساب
اوعى تعمل ليا خاطر .. او تقول الشعر شاب
بعد اغلى الناس مفيش .. بعدهم احباب مفيش
مش مهم خلاص يا دنيا .. ان اموت او ان اعيش
ان اموت .. او ان اعيش ..