بتخَبّط فيا الدنيا وبتوديني يمين وشمال
الفتره دي شوفت أذيّه وشوفت مآسي تهد جبال
وحياتي بقت مش هي وحتى الحال بقى غير الحال
الضحكه اللي إتميّزت انا بيها الدنيا خدتها خلاص
قاسيه الأيام دي عليا ومش قادر أجاري الأحداث
وأستنجد بس بمين وانا واخد صدمه ف كل الناس
اليومين اللي احنا فيهم .. كله بيحب الأذَى
واللي يلقي حد طيب .. يعتبرها مُعجزه
ما بصدق أفوق من ضربه بلاقي انا ضربه وراها كمان
كل اللي آمنتُه عليا خَذلني ماحسسنيش بأمان
ف قرايتي لكل الناس الدنيا قالتلي إن انا غلطان
وانا صالب طولي وواقف كانو ف ضهري كتير واقفين
أول ما الحال إتغير إتقلبت كل الموازين
واللي زمان كانو معايا عليا أوام سَنّو السكاكين
اليومين اللي احنا فيهم .. كله بيحب الأذَى
واللي يلقي حد طيب .. يعتبرها مُعجزه