أضف كلمات أغنية
(4) مشاهدة


فجأه افترقنا

فجأة افترقنا وفراقنا سرقنا من حضن بعض

بعد اتفاقنا ووفاقنا القرب اتغير لبعد

سافر نصيبي بحبيبي وكإن مفيش بينا وعد

واللي أنا رتبته وبنيته ما تهنتش بيه

قلبي اتلخبط في حساباته متحير مش لاقي حل

مرمي في سجون ذكرياته والوحدة إحساس ممل

نفسي أقابله وأشوفه ثاني لو دقيقة على الأقل

كنت بحبه بجد حتى بعيوبه اللي فيه

يا سنين واخداني وكمان واخداه

من بعده بعاني أكبر معاناة

حكاياته معايا أنا ما نستهاش

والشوق جوايا ناره ما بتهداش


من حال الدنيا الغريبة مستعجب أصلها بتغر

مرة قريبة وحبيبة وبعدين تسقي كاسات المر

مش عارف سر التركيبة الخير أكثر ولا الشر

طب هي الأيام الحلوة بتجري بسرعة ليه

جايز أكون غلطان مش فاهم أو جايز جداً أكون صح

جايز من كثر اللي بشوفه وأنا بخرج من فرح لجرح

ويا عالم إيه ثاني هيجرى دلوقتي أو بكرة الصبح

وإزاي هتخلص من خوفي وأتغلب عليه

يا سنين واخداني وكمان واخداه

من بعده بعاني أكبر معاناة

حكاياته معايا أنا ما نستهاش

والشوق جوايا ناره ما بتهداش

 كلمات: محمد عاطف
 ألحان: تامر علي
 تاريخ: 2020

التبليغ عن خطأ