لاذي ولاهذي .. قلبي لها ينادي
هي القمر فيهم .. والباقي شي عادي
رمش وهدب وعيون .. فيها جمال الكون
تسحر بنظرتها .. الصاحي والمجنون
ياصوره مرسومه .. فيها الحلا كومه
من شافها ينسى .. كل حزنه وهمومه
مفتون انا فيها .. ربي يخليها
اشوفها كل يوم .. وعيني تداريها
هي فرحة عيوني .. هي سبة جنوني
احبها بالحيل .. وكان الله في عوني
حلوه وفتانه .. في حسنها دانه
قلبي لها يرتاح .. ما مثلها انسانه
ما مثلها اثنين .. معروفه هي بالزين
مغروسه في روحي .. القى مثلها وين
لاذي ولاهذي .. قلبي لها ينادي
هي القمر فيهم .. والباقي شي عادي